क्रान्तिकारीका अध्यक्षमाथि छुरा प्रहार

सुनसरीको धरान स्थित शारदा नमुना उच्च मावि अखिल क्रान्तिकारी इकाई अध्यक्ष सन्ध्या पोख्रेललाई अज्ञात व्यक्तिहरुले छुरा प्रहार गरी घाइते बनाएका छन् । हात, खुट्टा र टाउकोमा चोट लागेकी पोख्रेलको विपि कोइराला स्वास्थ्य विज्ञान प्रतिष्ठान धरानमा उपचार भइरहेको प्रहरीले जनाएको छ ।
दर्ुइ जना युवाहरुले धरान १६ स्थित उच्च मावि नजिकै आज दिउँसो पोख्रेललाई आक्रमण गरेका थिए । यस अघि विद्यालयको शैक्षिक अवस्था सुधार गर्न माग गर्दा उच्च मावि व्यवस्थापन समितिका पदाधिकारीहरुले आफूहरुलाई धम्की दिएको क्रान्तिकारीले बताएको थियो ।
अनेरास्ववियु क्रान्तिकारी इकाई समितिले घटनामा सम्बन्धीत व्यक्तिहरुलाई कडा कार्वाही गर्न माग गरेको छ ।