भारतले नेपाललाई घातक हतियार दिन लागेको खुलासा

राष्ट्र संघीय मिसन अनमिन नेपालबाट विदाई भएको ४८ घण्टा पुरा नहुँदै भारतले नेपालमा घातक हतियार पठाउने तयारी गरेको खुलासा भएको छ ।
अनमिनलाई नेपालवाट वहिर्गमनका लागि भारतले माओवादी वाहेक सवै दलका नेताहरुलाई दिएको वारम्वारको दवावका कारण अनमिन नेपालको शान्ती प्रकृया वीचवाटोमै अलपत्र छाडेर र्फकनु परेको हो । भारतिय पत्रिका इन्डीयन एक्सप्रेशमा प्रकाशित आजको समाचारमा नेपाली सेनालाई लोकतन्त्रको रक्षा र बामपन्थीहरुको प्रभाबका विरुद्ध स्थापित गर्न घातक हतियार सप्लाई प्रकृयालाई निरन्तरता दिन लागेको उल्लेख गरिएको छ ।
भारतीय सरकारी श्रोतलाई उल्लेख गर्दै समाचारमा गत महिना नेपाल सरकारले गरेको औपचारिक आग्रह अनुसार केहि घातक हतियार, माइन प्रतिरोधक सवारी लगायतका युद्ध सामाग्री पठाउने तयारी भएको खुलासा गरिएको छ ।
एमाले नेतृत्वको बर्तमान सरकारले आग्रह गरे अनुसार यसअघि भारतले उपलब्ध गराएको बख्तरबन्द गाडी, गोली गठ्ठा र पुरानोर् इन्सास राइफलको सट्टा त्योभन्दा आधुनिक हतियार उपलब्ध गराउन लागेको हो ।